R.B.G مؤسس الموقع
المساهمات : 109 تاريخ التسجيل : 06/02/2009
| موضوع: مقـــــــابله مع EQzOoOoOz السبت فبراير 14, 2009 6:03 pm | |
| السلام عليكم ,,,
هذي المقابله ,,,
1- اول شي البطاقه الشخصيه (الاسم والعمر ) ؟
يوسف ... 22 سنه
2_ هواياتك ؟
والله ما عندي هوايه محدده .. كذا شغله يعني
3- شنو نكك ؟ متى عرفت الراب ؟
نكي .. EQzOoOZ ومعنى النك تقدر تقول مجهول محد يعرفه الا القليل .. و احتفظ فيه لنفسي .. و اللي يقول اقزوز سياره مادري شنو اقوله دش بط*زي .
4- شلون تعلمت عليه عندك استاذ ؟
شلون تعلمت .. والله كنت مستمع قبل لا اغني .. و تقدر تقول كنت مشهور من قبل لا اغني .. وطبعا اكتسبت خبره خفيفه من الاستماع .. وبعدها كنت اشوف سوبر يسجل جدامي .. ف عرفت الطريقه و غنيت اول مره بروحي ولما خلصت سمعتها سوبر .. وساعدني ما قصر ...
5- شلون دخلت التكيلا ؟ شلون عرفت لودا ؟
التكيلا كان قبل لودا وقوشا و ساسبيكت .. واهم بالاساس ربعي برا الراب و اعرفهم من ايام الثانويه .. ف لما غنيت لودا كلمني وقالي دش التكيلا حياك .. وبصراحه رفضت لاني كنت توني مبلش اغني وكنت بالبدايه .. وبعد فتره كلمني لودا قالي دش التكيلا و دخلت .. وطبعا ما عندي ولا اغنيه مع ساسبيكت او قوشا لي الحيــن ..و اهم موقفين راب حاليا وبعدها بفتره طويله والله دخلت وراي فريكي بالتكيلا .. وبس
6_ القروبات اللي انضمتت اليها
التكيلا ... كويت بور ... 965 << لكن طلعنا منه
7- افضل اغنيه غنيتها ؟
والله ما اقدر احكم شنو افضل اغنيه لي ..
ولكن في اغاني عزيزه على قلبي مثل ::
" قــلوب الناس" < فيت اخوي مستر نو قيرل
" عند كلمــتي" < فيت اخواني نو قيرل و توني من عيال مكه
" 4 دول" < فيت كريزي و سوبر و لودا
" منت غلطان" تكيلا
8- افضل دس غنيته ؟
ما احب اغني دسات صراحه وما اشوف نفسي بالدسات ..
9_ شرايك في كـل من :_
دجي كنق: والله حمني اقدر اقول انه سووه انجاز انجاز قوي بعد . قدر ينقل مكان الراب القطري من الحضيض الى الجيد او جيد جدا و بالنسبه لراايي فيه ك رابر .. اسلوبه ما يعجبني ولكن كلماته قويه ..و بالنسبه له ك عبحمان الشخص .. ذكي و مكار و طيب بنفس الوقت .. و يخرفن وايد وايد
ناز هذا وحش كويتي طلع بوقت صح ولعبها صح .. في فتره قصيره قدر يبني له قاعده جماهيريه كبيره مشالله عليه بس خربها اخر شي ..
عبـادي هذا الفنان اللي لا يعلي عليه صراحه .. لو منو بتقول لي راح اقولك عبادي الافضل .. عبادي صوته يساعده و كلماته اسلوبه يعني رابر متكامل .. وهالكلام بعيد عن شخصيته لاني ما اعرفه ..
سوبرمان سوبر .. اييييه سوبر .. سوبر مستواه مو ثابت ابدا يوم تلاقيه قوي ويوم صراحه ما يعجبني ... مايقدر يحافظ على مستواه .. و اهو اعتزل الله يذكره بالخير
10- على طاري سوبر
هـل صحيح انة صـار خلاف بينك انت وسوبر على الألوان ؟
اييي الصراحه اييي .. اهوو خلاف سوبر مو معاي انا بس خلافه مع الاداره .. انا ومستهتر ولودا .. وكان يبي لون اصفر .. وانا بوجهه نظري اشوفه ما يستحق هاللون ف زعل وبس,,
11_ هـل صحيـح انـك بتركك منتدى راب عربي بعد نجاحة الكبير ؟
ايي نعم .. انا ناوي اترك الاداره .. ولكن انا عضو من الاعضاء حاليا .. وراب عربي مستمر مدام مستهتر خلف الكواليس ومحد يدري شكثر يتعب هالانسان على المنتدى .. بس الناس لهم بالظاهر .. والله مسكين عيونه راحت من الشغل عالمنتدى وجذي يعطيه العافيه
12_ شنو اللي كسبتة من المنتدى واللي خسرتة منة ؟
والله ما كسبت شي من المنتدى .. بس اللي خسرته وايد ربعي يزعلون علي عشان لون او لقب او وسام يعني لو كان بيدي جان سويت لهم اللي يبون لكن لو بعطيهم شي لازم اعطي غيرهم شي ولا المنتدى بيكون فاشل و بتكون عنصريه .. يعني كل التعب ما يتقدر بالعكس يزعلون عليك على شي تافهه .. وشلي ياني غير .. السب و الغدر و نكران الجميل
13- شرايك في :_ مستهتر : اخوي و غالي .. اول ما عرفته ما كنت احبه .. الحين يعلم الله اللي بالقلب .. حبيب بو يعقوب بس عيبه شوي سخيف ههه
دينجر زون : اقوله :: احبك :: صج صج احبه هالانسان واحترمه فيفا فهود
راندوم : راندوم ااممم مجهول الهويه .. القدوه لو بتكلم عنه ما بخلص قصتي معاه قصه طويله ما تخلص .. اعرفه من قبل سنتين او اكثر مادري والله .. انسان وفي بمعنى الكلمه .. بس خرب علي وايد صيدات هههههه ملقوف نزغه هههه بس حبيب هشوم
7moOoDy: بعد قلبي انت يا دمار .. انت نبض القلب ههه وانا اسف انا وعدتك من زمان اني اغني اغنيه حزيته بروحي لكن ما صار نصيب السموحه ويلا متى الريميكس ههه
14- رابر عربي تسمعلة كثير ؟
اسمع للكل تقريبا ..
15- هـل راح تعتزل قريبا ولابعدين ؟
حاليا قاعد افكر اوقف .. لانه الحوش صاروا وايد .. وكلمه قالها ولد قروبي لودا .. محد يستاهل اني اغني له .. وكنت اغني باخر فتره لاني وعدت شخص بشغله وتقريبا خلصتها
16- في شي جديد بعد رمضان من التكيلا ؟
كان في ... بس كل شي تكنسل ,,
17- مشكووور اخوي اقزووز ع القابله وانشالله ماتعبناك
حبيب قلبي والله ... وفي كلام وايد بقوله بوقت ثاني انشالله ووعد اني بطلع كل خياس الخمه الموجودين ..
وبس واشكر الحب اقزوز ع المقابله ,,, | |
|